Шу ойдан бошлаб блог учун ўзига хос ойлик ҳисоботни чоп қилишни режалаштирдик. Мақолаларимиз етарли даражада кўп бўлмасада, уларнинг сифатли бўлишига қўлдан келганча ҳаракат қиляпмиз.
Ушбу ҳисоботда блогга кираётган ўқувчилар браузерлари, қайси мамлакатлардан кираётгани ва ҳ.к. маълумотларни бериб борамиз. Хуллас, июль ойи ҳисоботи қуйидагича:
Браузерлар
Бизнинг севимли мавзуимиз ҳақида тўхталганимизда бир нарсани эътиборга олиш лозим: аввалги кузатувларимизда Internet Explorer анча етакчи ўринни эгалларди. Ушбу ойда эса рўйхат анча бошқача:
- Safari — 40,16%
- Firefox — 25,98%
- Internet Explorer — 14,96%
- Opera — 12,60%
- Chrome — 3,15%.
Firefox браузерини кўпчилик турли версияларини ишлатиши маълум бўлди, лекин асосий қисм ўқувчиларда унинг сўнгги версияси ўрнатилган(ёки янгиланган). Афсуски, Internet Explorer нинг олтинчи версияси ҳали ҳам етакчи. Кейинги янги версиялари эса бирин-кетин жой олган. Кўпчилик Опера браузерининг тўққизинчи версиясидан фойдаланиши маълум бўлди. Янги, 10 версиясидан фойдаланувчилар кўпайишига ҳиссани шу ҳафта режалаштираётган мақоламиз қўшишидан умидвормиз.
Операцион тизимлар
- Windows — 96,27%
- Номаълум ОТ — 2,24%
- Macintosh — 0,75%
- iPod — 0,75%.
Windows, албатта, кутилганидек етакчи ўринда. Бирорта ОТ унга етиб олиши тугул яқинлашиши ҳақида ҳам гап бўлиши мумкин эмас ҳозирча.
Қизиқарлиси, кимдир iPod плеери орқали ҳам сайтимизга ташриф буюрган.
Географик тақсимот
- Ўзбекистон
- Россия
- Бирлашган Араб Амирлиги(салом, Адҳам!)
- АҚШ
- Швеция
- Жанубий Корея
- Қозоғистон ва ҳ.к.
Ўзбекистон вилоятлари бўйича тақсимот:
- Тошкент
- Фарғона
- Наманган
- Навоий
- Андижон
- Бухоро
- Самарқанд
- Сурхондарё
Бошқа қизиқарли маълумотлар
Кимдир 800×5000 ўлчамли экран орқали ташриф буюрган. Тўғриси, бу ўлчамда қандай қурилма бўлиши ҳақида маълумотга эга эмасмиз. Июль ойидаги энг оммавий мақоламиз «Веб дастурчилар учун Firefox кенгайтмалари: Firebug» бўлди. Энг машҳур тег эса «шеърият» теги.
Қисқача маълумотлар шулар. Кейинги мақолаларгача хайр.
Loading ...
IEni 6-versiyasini ko’rarga ko’zim yo’q. Umuman, IE yoqmaydi.
800×5000 – shu yeriga kelganda statistikachilar adashib ketishgan bo’lsa kerak
800×500 13″lik MacBook bo’lishi mumkin
Eee, uzr, 5000ni 500 deb o’qibman
Virtual monitor bo’lishi mumkin qandaydir.